சுட சுட வந்த சிந்தூரி

இனி ரகசியா, தேஜாஸ்ரீக்களுக்கு வேலையில்லாமல் போகலாம்! இவர்களின் இடத்தை நிரப்ப ‘பெரிய மனசோடு’ வந்திருக்கிறார் சிந்தூரி. பாய்ஸ், தத்தி தாவுது மனசு என்று இவர் நடித்த படங்களை விரல் விட்டு எண்ணிவிடலாம். அப்படியே தெலுங்கு பக்கம் போனவர், அங்கேயும் யாவாரம் சூடு பிடிக்காததால் சென்னைக்கே திரும்பி விட்டார். இந்த முறை ஏராளமான போனஸ் அறிவிப்புகளோடு...

“சினிமாவில் ஹீரோயினாகதான் நடிப்பேன். அதுவும் நல்ல கதைகள் வந்தால் மட்டுமே அட்வான்ஸ் வாங்குவேன் என்றெல்லாம் அடம் பிடித்த அந்த பழைய சிந்தூரி காணாம போயிட்டா! இப்போ வந்திருக்கிற சிந்தூரியின் ஒரே நோக்கம் சினிமாவில் இருக்கணும். அது ஒரு பாடலா இருந்தாலும் சரி, ஒரேயடியா படத்தையே தாங்குகிற வெயிட்டான கேரக்டராக இருந்தாலும் சரி” என்கிறார் ஒரு முடிவோடு.

வாலிபால் என்றால் பந்து இருக்கணும். ஹாக்கி ஆட்டம் என்றால் மட்டை இருக்கணும் என்ற அடிப்படை கூட தெரியாதவரா சிந்தூரி? ஜிம்முக்கு போய் எக்ஸ்ட்ரா சதைகளை குறைத்திருக்கிறார். ‘தங்கத்தில் முகமெடுத்து, சந்தனத்தில் உடலெடுத்து’ ரேஞ்சில் கோடம்பாக்கத்தில் ரீ என்ட்ரி கொடுத்திருக்கும் சிந்தூரிக்கு எந்த டைரக்டர் பிள்ளையார் சுழி போடப் போகிறாரோ?